فيلم الموسم

سكووووووووت
كله سكوت
خش يا نجم جوا الكادر
ابدأ حركه
اضاااااءه

سكوووووووت

قرب يا بني هنا بالكاميرا
ايوه تمام
ادخل زووم ع الدقن الناعمه
قرب حبه
امممم ناقص اللمعه

ستوب ثواني
هاتلي الكادر دا من تاني

اعمل زوم ع الجلابيه
مش لازم الوش ف الصوره
ماهي اصل السبحه فضيه
و هتدي اللمعه المذكوره

ناقص حاجه اخيره مهمه
حط المصحف تحت بطاطك
كاميرا اتنين هتجيب الدمعه
بتفر منك ف صلاتك

عيط اكتر
خشووووع خشوووع
اكتر اكتر
لو الفيلم باظ هنجوع

كاميرا تلاته
هنا ع الوش
ابدأ صرخ قول دا حرام
كل علوم الدنيا دي غش
و التطوير ضدد الاسلام
و الست مكانها ف البيت
و ان اشتغلت
يبقى
حراااااااام
حراااااااااااااااااام

ستوووووووووووب

ايه جاب الاستاذه ف الكادر
مشهدها الجاي يا بهايم
قربنا ندخل ع الفجر
وانا بكره بأذن الله صايم

غير يابني الديكورات
و اجهز بالمشهد التاني
و اشكر فناننا الموهوب
تمثيله حـَرَك وجداني

هنبدأ مشهدنا التاني
اجهز ف الاستوديو

...... اضااااااااءه

اهلااااااً بالفنانه الساطعه
ايوه تمام اهو دا المطلوب
فستان كات و فوق الركبه
ماهو اصل الممنوع مرغوب

الكاميرا هتعدي عليكي
و ننزل بمزيكا صاخبه
و نبين صدرك وايديكي
كنموذج لجمال النخبه

اما انت بقى يا فنان
هتقف جنبها بالظبط
و تمسك ايدها بحنان
تفركهم علشان الربط

و هنرفع صوت الأذان
و ايديك التانيه فيها الكاس
ف القلب و بس الايمان
رسالتنا لكل الناس

زوووم هنا على وش الاستاذ
علشان ينتع ف الحريه
و ياريت تتكلم بأيجاز
عن ميزات الليبراليه

خاصة حق الشواذ
ف الممارسه المجتمعيه
و دور المرأه الهزاز
ف خلع حجاب العبوديه

فررررررررررررررركش

كدا تمام و انا مبسوط منكم
بذلتم اقصى مجهود
علشان الناس تبعد عنكم
و هذا هدفنا المنشود

ماهو اصل السيناريو بتاعنا
سيناريو امريكي مدروس
هيحقق كل اطماعنا
و الناتج هيكون ملموس

الناس هتقول بكره كفايه
و يكرهوا كلمة حريه
و هنكتب احنا النهايه فلتحيا الديكتاتوريه

تأليف: محمد عاطف